Йәнле, фәһемле, мауыҡтырғыс сара

Асҡын 2-се урта мәктәбендә “Ҡулъяулыҡ” уйынын да уйнайҙар. Тулыраҡ түбәндәге һылтанма буйынса:

Башҡортостан Республикаһы Башлығы Радий Хәбиров Указы менән 14 декабрь “Башҡор теле көнө” тип иғлан ителде. Был көн башҡорт халҡының күренекле мәғрифәтсеһе, сәсән-шағир Мифтахетдин Аҡмулланың тыуған көнө менән тап килә. Ошо уңайҙан республика буйынса, шул иҫәптән районыбыҙҙа ла, башҡорт телен һаҡлау һәм үҫтереү буйынса саралар үтә.

Бөгөн Асҡын 2-се мәктәбендә биләмә-ара үҙәк китапханаһы китапханасыһы Фәриҙә Сәлихова менән библиограф Гөлфиә Хамматова “Әсәм теле миңә – сәсән теле” тигән девиз аҫтында кластан тыш сара ойоштора. Мифтахетдин Аҡмулланың тормош юлы һәм ижады менән танышҡандан һуң, сара уйын рәүешендә дауам итә. Китапханасылар балалар менән башҡорт һүҙҙәре “йәшеренгән” сканворд сисә, дөрөҫ итеп һөйләмдәр төҙөй, һүҙҙәрҙе темалар буйынса бүлеп, мәғәнәһен аңлата, йомаҡтар сисә. “Ҡулъяулыҡ” уйыны ла уҡыусыларға бик оҡшай. Яза алған бала башҡорт телендә шиғыр һөйләп күрһәтә. Иң әүҙемдәр аҙаҡта тәмлекәстәр алып ҡыуана. Илһөйәрлек, телһөйәрлек менән һуғарылған был сара бик йәнле үтеп, фәһемле һәм файҙалы була.

Наилә Имаева.

Читайте нас:

© 2025 Сайт издания "Йәнтөйәк" Копирование информации сайта разрешено только с письменного согласия администрации. Башҡортостан Республикаһының Матбуғат һәм киң мәғлүмәт саралары агентлығы һәм Башҡортостан Республикаһының "Башҡортостан Республикаһы" Нәшриәт йорто дәүләт унитар предприятиеһы.

Об использовании персональных данных

Телефон

8(34771) 2-18-50

Электрон почта

[email protected]

Адресы

452880, Аскинский район, с. Аскино, ул. Блюхера, 10

Реклама хеҙмәте

8(34771) 2-20-60

Редакция

8(34771) 2-18-50

Кадрҙар бүлеге

8-34771 (2-19-30)