Асҡындар башҡорт теленән Халыҡ-ара диктант акцияһына ҡушыла

18 майҙа үтәсәк акцияла теләгән кеше ҡатнаша ала. Диктант яҙыуҙы башҡорт телен һаҡлау һәм үҫтереү фонды, Мәғариф министрлығы һәм Мифтахетдин Аҡмулла исемендәге педагогия университеты ойоштора. Районда акцияға 16 мәктәп ҡушыла. Асҡын ауылында йәшәүселәр 2-се мәктәпкә килеп яҙа ала. Бер майҙансыҡ редакцияла һәм район хакимиәтендә ойоштороласаҡ. Диктант яҙыу иртәнге сәғәт 10-да башлана. Һуңламағыҙ һәм икеләнмәгеҙ. Диктант аноним рәүештә ойошторола.

Диктантты ойоштороу положениеһы менән http://bashkdictant.ru/ сайтында танышырға мөмкин.