Ҡариҙелдәр v Бөтә донъя башҡорттары ҡоролтайына делегаттар һайланы

Республика район-ҡалаларында быйыл йәй үтәсәк 5-се Бөтә донъя башҡорттары ҡоролтайына делегаттар һайлау дауам итә. Ҡариҙел районы башҡорттары ла уҙған осорҙа атҡарылған эш һөҙөмтәләрен барланы.

Ҡоролтай активистары хәҙерге заман шарттарында башҡорт халҡының үҙенсәлеген һаҡлап ҡалыу, районда халыҡ кәсепселеге һәм милли йолаларҙы үҫтереү, тел өйрәнеү мәсьәләләре буйынса фекер алышты. Йыйын һуңында резолюция ҡабул ителде һәм оло ҡорға делегаттар һайланды. Шулай уҡ район башҡорттары ҡоролтайының рәйесе һәм башҡарма комитеттың яңы составы һайланды. Рәйес булып ҡабаттан Камил Аснаф улы Солтанов һайланды.