-6 °С
Болотло
Бөтә яңылыҡтар
Телгенәм — бергенәм
18 Апрель 2018, 16:10
Сыйырсығым, бирсе бер урын!
Сыйырсығым, оя-умартаңданБирсе миңә, зинһар, бер урын:Һыҙылып ҡына атҡан алһыу таңдаБеҙ һуҙырбыҙ икәү яҙ йырын.
Сыйырсығым, оя-умартаңдан
Бирсе миңә, зинһар, бер урын:
Һыҙылып ҡына атҡан алһыу таңда
Беҙ һуҙырбыҙ икәү яҙ йырын.
Яҙ хәбәрен илгә алып ҡайтып,
Үҙ иткәнһең бейек ҡолғаны,
Хәлең нисек, йәндәй дуҫтарыңдың
Булманымы юлда ҡалғаны?
Һинең янда күктәр зәңгәрерәк,
Йылы ҡояш нуры яҡтыраҡ,
Ярҙарына һыймай аҡҡан йылға
Нисек йәйрәп ята ялтырап!
Сут-сут килеп ҡоштар һайрауынан
Шаулап тора урман эстәре.
Ҡар һыуында йыуып ҡалыр өсөн
Тал ҡыҙҙары һүткән сәстәрен.
Һалҡын шишмәбеҙҙең үр ярында
Күҙен асҡан һары бәпембә,
Ҡуйы оҙон керпек остарына
Ысыҡ тамсылары эленгән.
Иркәләнеп һабан елдәренә
Сың-сың итә көмөш ландыштар,
Сәскәләрҙең яҙғы тамашаһын
Уҫаҡ япраҡтары алҡышлар.
Һағыныуын, ер-һыу тойғоларын
Аңлатаһың ҡанат ҡағынып,
Ҡайтҡанһың һин кисеп юл ғазабын,
Тыуған яҡты нығыраҡ һағынып.
Сыйырсығым, тынмаҫ моңдарыңа
Хеҙмәт гөрөлдәүе ҡушыла:
Илде туйындырған ир-улдары
Баҫыу-ҡырҙарына ашыға.
Тупраҡ бәрхәт булып күтәрелә
“Ҡорос ат”тар уҙған баҫыуҙан,
Көҙ ындырҙа ыңғырашмаҫ өсөн
Яҙ һабанда кәрәк һайрарға.
Ергә сәскән иген орлоҡтары
Яңы өмөт булып тишелер.
Игенсегә маҡтау ауаздары
Һайрауыңда, ҡошом, ишетелер.
Хистәр — уртаҡ, берҙәй ҡабул итә
Шатлыҡ, бәхет, яныу-көйөүҙе,
Һүҙҙәр менән түгел, һайрап ҡына
Әйтеп булалыр ул һөйөүҙе!
Тыуған ергә һөйөү уятыусы
Беҙ һуҙырбыҙ йырҙың иң ҙурын:
Ел тибрәткән оя-умартаңдан
Сыйырсығым, бирсе бер урын!
Ания Шакирова, Борай районы Кәшкәләү мәктәбе уҡытыусыһы.
Читайте нас:
© 2024 Сайт издания "Йәнтөйәк" Копирование информации сайта разрешено только с письменного согласия администрации. Башҡортостан Республикаһының Матбуғат һәм киң мәғлүмәт саралары агентлығы һәм Башҡортостан Республикаһының "Башҡортостан Республикаһы" Нәшриәт йорто дәүләт унитар предприятиеһы.
Телефон
8(34771) 2-18-50
Электрон почта
Адресы
452880, Аскинский район, с. Аскино, ул. Блюхера, 10
Реклама хеҙмәте
8(34771) 2-20-60
Редакция
8(34771) 2-18-50
Кадрҙар бүлеге
8-34771 (2-19-30)