Балаларға шәп бүләк!

Балтас районы Иҫке Балтас ауылының 1-се урта дөйөм белем биреү мәктәбе Рәсәй футбол союзының балаларҙы һәм үҫмерҙәрҙе донъялағы иң популяр спортҡа йәлеп итеү буйынса «Мәктәптә футбол» проектында ҡатнаша. Уҡыусыларҙың физкультура дәрестәрендә һәм секцияларҙа, турнирҙарҙа һәм фестивалдәрҙә ҡатнашыу мөмкинлеге барлыҡҡа килә. Ошо проект һөҙөмтәһендә мәктәптәр үҙҙәренең районында йәки төбәгендә футбол тормошо үҙәктәренә әүерелә, ә тренерҙар һәм белгестәр һәләтле балаларҙы билдәләү өсөн күберәк мөмкинлектәр ала.
Иҫке Балтас ауылының 1-се урта мәктәбе Рәсәй футбол союзынан дәрестәр үткәреү өсөн спорт инвентары комплектын бушлай алды.

Гөлназ Ғәлләмова.