Олимпиада уты старт алды

4 февралдә Пекинда XXIV ҡышҡы Олимпиада асыла.

Кисә Олимпиада факелы эстафетаһы Ҡытай буйлап сәйәхәткә сыҡты. Ут, ҙур түңәрәк яһап, илдең 12 төбәге аша үтә һәм 4 февралдә Пекинға әйләнеп ҡайта. Шуныһы әһәмиәтле: уны спортсылар ғына түгел, ә роботтар һәм пилотһыҙ осоу аппараттары ла алып бара.

“Ҡош ояһы” («Птичье гнездо») стадионында факелдан ҙур Олимпия уты тоҡандырыласаҡ. Ошо ваҡиға менән сираттағы Бөтә донъя ҡышҡы спорт уйындары башлана.