Афарин, Әнүәр!

Ҡазанда көрәш буйынса Рәсәй  беренселеге тамамланды. Ярыштарҙа  бөтә Рәсәйҙән  өс йәш категорияһында  400 спортсы, вәкилдәр һәм белгестәр  ҡатнаша.  Бөтәһе турнирҙа  27 комплект  награда уйнатыла.

Ҡариҙел районы данын Балалар-үҫмерҙәр  спорт мәктәбе тәрбиәләнеүсеһе Әнүәр Әхмәтғәлиев лайыҡлы яҡлап, еңеү  менән һөйөндөрә.   2007-2008 йылғы үҫмерҙәр араһында  65 килограмм ауырлыҡ категорияһында  Әнүәр 1-се урын яулай.  Чемпиондың тренеры  үҙенең атаһы  Алмаз Әхмәтғәлиев.

Әнүәрҙе һәм уның тренеры  Алмаз Мансур улын  лайыҡлы  еңеүҙәре менән ҡотлайбыҙ һәм артабан да уңыштар теләйбеҙ!