Көрәш буйынса бәйге 2007-2008 йылғы үҫмерҙәр араһында мәктәп уҡыусыларының XXIV Спартакиадаһы иҫәбенә ойошторола. Асҡын районынан тәжрибәле тренер Фәрдүс Зөлфәт улы Әхмәтов етәкселегендә туғыҙ үҫмерҙән торған команда ҡатнашып, дөйөм команда иҫәбендә өсөнсө урын яуланы. Егеттәр шәхси беренселектә лә һынатмай: бер — 1-се, өс — 2-се, дүрт 3-сө урындар яулай.
Районыбыҙҙа спорт үҫешенә ҙур өлөш индергән көрәшсе егеттәребеҙҙе һәм йәш быуында спортҡа һөйөү тәрбиәләгән Фәрдүс Зөлфәт улын сираттағы еңеүҙәре менән ҡотлайбыҙ һәм артабан да районыбыҙ данын лайыҡлы яҡлауҙарын теләйбеҙ!
Илһөйәр Махатова.