Сәләмәт тәндә — сәләмәт рух

“Йәшлек” паркында был көндө олоһонан алып кесеһенә тиклем йыйылды. Байрамға килеүсе ғаиләләрҙе, физкультура уҡытыусыларын, мәғариф ветерандарын, спорт һөйөүселәрҙе район хакимиәте башлығының социаль мәсьәләләр һәм эске сәйәсәт буйынса урынбаҫары Эльза Әхмәтгәрәева тәбрикләне һәм райондың спорт тормошонда әүҙем ҡатнашҡан уҡытыусыларға, тренерҙарға, хаҡлы ялдағы уҡытыусыларға Почет грамоталары һәм Рәхмәт хаттары тапшырҙы.

Байрамдың тантаналы өлөшөнән һуң барыһы ла ГТО нормативтарын тапшырыуҙа ҡатнашты. Унда ғаиләләр менән килеүселәр ҙә бар ине. Асҡын 1-се, Ҡарткиҫәк, Упҡанкүл, Иҫке Ҡаҙансы мәктәптәре уҡыусылары, “Күк сәскә”, Асҡын 2-се балалар баҡсалары коллективтары үҙҙәренең физик әҙерлеген күрһәтте.