+14 °С
Облачно
Спорт
7 Марта 2021, 10:15
Спорт һөйөүсе Ғәлләмовтар
Халыҡ-ара ҡатын-ҡыҙҙар көнөнә арналып “Батыр” физкультура-һауыҡтырыу комплексында “Атай, әсәй һәм мин” тип аталған спорт байрамы үтте. Унда спортты үҙ иткән, тырыш, маҡсатсан балалар үҫтергән алты ғаилә: Асҡындан Зәбировтар, Зыятдиновтар, Бабкиндар, Закировтар, Абдуллиндар һәм Ҡашҡанан Ғәлләмовтар ҡатнашты.
Ғаиләләр күңелле конкурстар барышында етеҙлектә, зирәклектә көс һынашты. Көйәрмәндәр спорт байрамында ҡатнашыусыларға көс-дәрт өҫтәп торҙо. Бәйге һөҙөмтәләре буйынса иң көслө, спорт һөйөүсе ғаиләләр билдәләнде. Гүзәл заттарға — сәскәләр, ә ғаилә башлыҡтарына Грамоталар тапшырылды.
“Атай, әсәй һәм мин” спорт байрамында Ҡашҡанан Флидә һәм Илшат Ғәлләмовтар ҙа ҡыҙҙары Юлиә менән ҡатнашып, 3-сө урын яуланы. Был ғаилә сәләмәт тормош рәүешен пропагандалай, нәҫел ептәрен ентекле өйрәнә, район бәйгеләрендә һәр ваҡыт призлы урындар яулай.