-8 °С
Болотло
Бөтә яңылыҡтар
Спорт
23 Ғинуар 2021, 16:30
Көн һалҡын тип торманылар, рәхәтләнеп уйнанылар!
Республикала иғлан ителгән Сәләмәтлек һәм әүҙем оҙон ғүмерлелек йылы сиктәрендә бөгөн районда төрлө спорт саралары үтә. Ғаилә ялы көнөндә Асҡын 2-се урта мәктәбендә лә башланғыс класс уҡыусылары уҡытыусылары ойошторған хәрәкәтле уйындарҙа ҡатнашып, күңелле ял итте.
Көндөң һалҡын булыуына ҡарамаҫтан, сәғәт 11-гә мәктәп шыуғалағына байтаҡ бала йыйылды. Күңелле музыка аҫтында зарядка эшләп алғандан һуң, уҡытыусылар балаларҙы командаларға бүлеп хәрәкәтле уйындар ойошторҙо. Малайҙар һәм ҡыҙҙар, ата-әсәләр уйындарҙа ихлас ҡатнашты. Бер кем дә баҫып торманы, үҙ командаһы өсөн көрәште. Аҙаҡта дуҫлыҡ еңде.
Башҡалар уйындарҙа ҡатнашҡанда, ҡайһы бер класс малайҙары һәм ҡыҙҙары саңғыла йөрөнө.
Һыуыҡтан бит остары алһыуланған, йүгереп хәлдәре бөткән, ләкин шулай ҙа күҙҙәре янып торған, ирендәренән йылмайыу китмәгән малайҙарға һәм ҡыҙҙарға афарин, тибеҙ!
Илһөйәр Махатова.
Автор фотолары.
Новости партнеров