-7 °С
Ҡар
Бөтә яңылыҡтар
Спорт
5 Ғинуар 2021, 16:35
Шорт-трек буйынса ярыштылар
Бөгөн Асҡын 1-се урта мәктәбенең хоккей коробкаһында иң әүҙем, спорт һөйөүсе ҡыҙҙар һәм малайҙар шорт-трек буйынса район ярышында ҡатнашып, миҙалдар алды! Район үҙәгенең 1-се һәм 2-се урта мәктәптәре уҡыусыларына, кескәй спортсыларға афарин, тибеҙ!
Районыбыҙҙа был спорт төрө әлегә ҙур үҫеш алмаһа ла, Балалар-үҫмерҙәр спорт мәктәбе хеҙмәткәрҙәре уны пропагандалау өҫтөндә әүҙем эшләй. Бына бөгөн мәктәп уҡыусылары араһында үткән ҡыҙыу ярыш та быға дәлил.
Әйткәндәй, шорт-трек — спорттың конькиҙа йүгереү төрө. Ярыштарҙа бер нисә спортсы оҙонлоғо 111,12 метр булған оҙонса түңәрәктәге боҙҙа бер юлы ярыша (ҡағиҙә булараҡ 4-5 спортсы: дистанция ни тиклем оҙон булһа, ярышыусыларҙың һаны ла шул тиклем күберәк була).
Илһөйәр Махатова.
Автор фотолары.
Новости партнеров