Сафия кемдәрҙе ҡунаҡҡа саҡырған?

“Ҡояш ҡыҙы” Сафия тыуғаны бирле Земфира социаль селтәрҙәрҙә үҙенсәлекле балаларҙы тәрбиәләү, бындай осраҡта үҙ эсеңә йомолоп, йәмғиәттән ситләшмәү, бала – ата-әсә – социум араһындағы мөнәсәбәттәр буйынса әүҙем эшмәкәрлек алып бара. “Бындай студияны асыу күптәнге хыялым ине”, - ти әсә.

Үҙәктә балаларҙың актерлыҡ оҫталығын, сәхнә телмәрен, биҙәү-ҡулланма сәнғәт буйынса һәләтен үҫтереү йүнәлешендә эш алып барыласаҡ. Тәүге дәрестә балалар рәхәтләнеп төрлө уйындар уйнаған, балсыҡ һындар әүәләп ҡараған.

"Студия үҙенсәлекле балалар һәм уларҙың ата-әсәһе өсөн аралашыу мөхите тыуҙырыуҙы, уларға йәмғиәттә үҙен табыуға ярҙам итеүҙе маҡсат итеп ҡуя. Әммә һаулыҡ мөмкинлектәре сикләнгән сабыйҙар ғына түгел, ә барлыҡ балалар менән эшләргә әҙербеҙ. Шуға күрә студияға теләге булған һәр кем килә ала", - ти Земфира Зәки ҡыҙы.

Әлегә клуб-студия аҙнаһына ике тапҡыр эшләй.

Фото З. Байбулдинаның социаль селтәрҙәге сәхифәһенән.