Санкт-Петербургтағы Пастер исемендәге эпидемиология һәм микробиология ғилми-тикшеренеү институты директоры Арег Тотолян әйтеүенсә, ҡанда лимфоциттарҙың юғары кимәлдә булыуы коронавирус йоҡтороу һәм сирҙең ауыр үтеү хәүефен кәметә. Шулай уҡ альфа интерфероны молекулаһы юғары кимәлдә булған кешегә сирҙе йоҡтороу ҡурҡынысы янамай. Айырым генетик маркерҙар йөрөтөүселәрҙең дә сирҙе эләктермәүе ихтимал, тип раҫлаған ғалим. Үкенескә ҡаршы, коронавирус ҡағылыу хәүефе аҙ булған кешеләр арабыҙҙа һирәк, бары вакцинация ғына сирҙең ауыр эҙемтәләренән беҙҙе һаҡлаясаҡ.
Фото:Tass.ru