Организмды һауыҡтырыуҙың мөһим юлы

Йәш саҡта организм зарарлы матдәләрҙе үҙе сығарырға һәләтле, ваҡыт үтеү менән был функция йомшара, шуға күрә организмды һаулыҡҡа зыян кил­тереүсе токсин һәм шлак­тарҙан төрлө ысулдар ярҙа­мын­да таҙартыу күп сирҙәрҙән аралар һәм ғүмерегеҙҙе оҙайтыр.

Матдәләр алмашыныу һәй­бәт эшләгәндә, зарарлы токсиндар бөйөр һәм бауыр аша орга­низмдан сығарыла, тик системалағы тайпылыштар йәки дөрөҫ туҡланмау процесты боҙа. Зарарлы берләшмәләр аҙыҡ эшкәртеү ағзалары аша ғына түгел, тире һәм тын алыу юлдары аша ла үтеп инә.

Сәләмәтлеккә зыян килте­реүсе сығанаҡтарҙы ла һанап үтәйек: бысраҡ һыу һәм һауа, көнкүреш химияһы һәм ауыл хужалығында ҡулланылған ашламалар, дарыуҙар. Беҙ көн һайын һулаған, эскән зарарлы матдәләр һөйәктәребеҙҙә, ҡан системаһында һәм эске ағза­ларҙа туплана. Ағыулы матдә­ләрҙең тәьҫиренән тәү сиратта ашҡаҙан-эсәк эшмәкәрлеге зыян күрә, аҙыҡ ҡалдыҡтары тура эсәктә тупланып, серей һәм әсей башлай. Организмдың дөйөм ағыуланыуы хәлһеҙлеккә килтерә. Ҡаҡшаған иммунитет – төрлө сирҙәр баш ҡалҡытыуы өсөн бик уңайлы мөхит.

Бөгөн организмды шлак һәм токсиндарҙан таҙартыу буйынса төрлө ысулдар бар. Иң тәьҫир­леһе, әлбиттә, белгестәр менән кәңәшләшеү. Баш ҡалала медицина-консультатив-методик “Организмды таҙартыу һәм сир­ҙәрҙе иҫкәртеү буйынса үҙәк” эшләй. Проекттың етәксе­һе медицина фәндәре докторы, Баш­ҡортостандың атҡаҙанған таби­бы, нутрициолог, токсико­лог, “Рәсәй профессиональ белем биреү институты”ның өҫтә­мә профессиональ белем ойош­маһы директоры Зәкиә Тере­ғо­лова, үҙәктең эше менән таныштырып, халыҡҡа ниндәй хеҙ­мәттәр күрһәтеүҙәре хаҡында һөйләне.

Шуларҙың береһе – орга­низмдың сәләмәтлек торошона яңы аппараттар ярҙамында экспресс-тест үткәреү. Был ғәмәл ҡан анализы алмайынса башҡа­рыла. Заманса программа комплекстары организмдағы токсин, аллерген, ауыр металдар, гельминттар, бәшмәксә һәм бактериялар, вирустар барлығын, енси юл менән йоғоусы инфек­цияларҙы асыҡлай. Шулай уҡ организмға ниндәй микро- һәм макроэлементтар (йод, магний һәм башҡалар) етешмәүен бил­дәләй, иртә осорҙа байтаҡ сир­ҙе асыҡларға ярҙам итә. Үҙәктә шулай уҡ туҡымаларҙағы әсе­лек кимәлен баһаларға, шәхси туҡланыу рационын, витамин- минераль комплекстар һәм файҙалы майҙарҙы һайларға булышасаҡтар. Тест һөҙөмтәһе буйынса организмды натуропатия саралары һәм ысулдар файҙаланып һауыҡтыралар. Терапия төрҙәре күп.

Бынан тыш, үҙәктә эсәр һыу сифатына (һыу үткәргестәге, шешәләрҙәге) эксперт баһа­ламаһы бирелә. 15 йылдан ашыу халыҡты һауыҡтырыу өлкәһендә эшләгән профессионалдар ҙур һорау менән файҙаланған “Ғаиләнең репродуктив сәләмәтлеге, парҙарҙы йөклөлөк осорона әҙерләү”, “Ябығыу һәм метаболик синдромды иҫкәртеү” программаларын да тәҡдим итә.

“Рәсәй профессиональ белем биреү институты”ның автономлы коммерцияға ҡара­маған ойошмаһы квалификацияны камиллаштырыу, яңы специальность үҙләштереү, эшсе һөнәрҙәренә уҡытыу, өҫтәмә белем биреү программаларын да тормошҡа ашыра. Мәҫәлән, табиптар һәм прови­зорҙар өсөн “Клиник нутрициология һәм диетология. Аҙыҡ сифаты һәм хәүефһеҙлеге”, биология, экология-гигиена йүнә­лештәрендә эшләүсе юға­ры белемлеләр, туҡланыу технологтары һәм операторҙары өсөн “Нутрициология һәм аҙыҡ технологияларының көнүҙәк мәсьәләләре” программаһы буйынса уҡытыу ойошторола. Белем биреүҙә дистанцион форма ҡулланыла. Шулай уҡ урта медицина белеменә эйә белгес­тәр, белем биреү учреждениелары етәкселәре, ата-әсәләр, туҡланыу операторҙары һәм технологтары өсөн дистанцион рәүештә “Сәләмәт туҡланыу ни­геҙҙәре. Аҙыҡ сифаты һәм хә­үеф­һеҙлеге” һәм “Мәктәп туҡ­ланыуын ойоштороу һәм бала­лар­ҙың ҡайһы бер ауырыу төр­ҙәрендә диета терапияһы” программалары ойошторола. Сә­ләмәтлеккә ҡағылған был мө­һим мәсьәләләр һеҙҙе ҡы­ҙыҡ­һындырһа, заявкаларығыҙҙы институттың электрон почта­һына ебәрегеҙ: institprof@mail.ru