+1 °С
Ҡар
Бөтә яңылыҡтар
Сәләмәтлек
26 Сентябрь 2020, 23:19
Вирустың тағы бер ҡорбаны...
Башҡортостан Башлығы Хакимиәте матбуғат хеҙмәтенән хәбәр итеүҙәренсә, республикала 26 сентябрҙә коронавирус инфекцияһын йоҡторғандар 38 кешегә артҡан. Шулай итеп, пандемия осоронда сирлеләр иҫәбе 8 630-ға етте.
Ҡыҙғанысҡа ҡаршы, һуңғы тәүлектә йәнә үлем осрағы теркәлгән. Билдәле булыуынса, 1947 йылғы ир Өфө дауаханаларының береһендә вафат булған. Инфекцияны дауалау барышын башҡа ауыр сирҙәре ҡатмарландырған, атап әйткәндә, өсөнсө стадиялағы аорта склерозы, йөрәк ишемияһы.
Республикала рәсми рәүештә теркәлгән үлем осраҡтары 37-гә етте. Бынан ике көн элек, 24 сентябрҙә, коронавирустан 84 йәшлек пациенттың вафат булғаны мәғлүм ителгәйне. Ул гипертония һәм Паркинсон сирҙәренә лә дусар булған.
Республикала барлығы 8 076 ауырыу һауыҡҡан, һуңғы тәүлектә - 72. 517 сирле дауалана, 52-һе - стационарҙарҙа, 465-е амбулатор - шарттарҙа.
Фото: BashNews.
Автор: Дина Арсланова
Читайте нас:
© 2025 Сайт издания "Йәнтөйәк" Копирование информации сайта разрешено только с письменного согласия администрации. Башҡортостан Республикаһының Матбуғат һәм киң мәғлүмәт саралары агентлығы һәм Башҡортостан Республикаһының "Башҡортостан Республикаһы" Нәшриәт йорто дәүләт унитар предприятиеһы.
Телефон
8(34771) 2-18-50
Электрон почта
Адресы
452880, Аскинский район, с. Аскино, ул. Блюхера, 10
Реклама хеҙмәте
8(34771) 2-20-60
Редакция
8(34771) 2-18-50
Кадрҙар бүлеге
8-34771 (2-19-30)