Дөрөҫ һайла

Иң тәүҙә аяҡ кейеменең нин­дәй материалдан тегелгәненә иғти­бар итегеҙ. Ағыулы буяу еҫе аңҡып тормаһын, тире, замша, нубук кеүек тәбиғи материал­дарҙан етештерелгәнен һайла­ғыҙ. Ғөмүмән, үҙен баҙарҙа танытҡан тәжрибәле предприя­тиеларҙың продукцияһына өҫтөнлөк бирегеҙ.

Сифатлы аяҡ кейеменең үксә­һе ҡаты булырға тейеш. Аҙ ғына үксәле булыуы ла яҡшы. Иң ҙур талап – туфлиҙың табанына. Ул һығылмалы булырға тейеш. Аяҡ кейеменең тарлығы һәм ҡыҫынҡы булыуы сәләмәт­леккә зарар килтерә. Ҡан әйлә­неше боҙола, табандың биомеха­никаһы алмашына, тип аңлата белгестәр.

Кешенең аяҡ табаны – ҡатмарлы механизм, уның бурысы – атлап йөрөгәндә тыуған көсөргәнеште кәметеү һәм тигеҙләү. Табан ҡыҫылһа, уның башҡа өлөштәре тулыһынса был көсөргәнеште үҙ өҫтөнә ала алмай. Туфлиҙың артыҡ иркен булыуы ла уңайһыҙлыҡ тыуҙыра, йөрөүе ауырлаша, арыта.

Иң яҡшыһы – аяҡ кейеменең ярты ғына үлсәмгә ҙурыраҡ булыуы. Белгестәр әйтеүенсә, бала тәпәй китеү менән уға аяҡ кейеме кейҙе­рергә ярамай, аҙ ғына йөрөшө формалашыуын, тигеҙ­лек тоторға өйрәнеүен көтөгөҙ.