Баймаҡта коронавирус теркәлгәнме?

Сығышы менән Йылайыр районынан булған, күптән түгел Кореяла эшләп ҡайтҡан ҡыҙ ҡапыл сирләп китә. Унда коронавирус ауырыуына хас билдәләр асыҡлана: юғары тән температураһы, сөскөрөү-йүткереү, хәлһеҙлек... Етмәһә, ҡыҙҙың Корея яҡтарынан йөрөп ҡайтыуы ла хәүефте арттыра. Баймаҡ табиптары, бар медицина хеҙмәткәрҙәре ауырыуҙы ныҡлы күҙәтеү аҫтына ала. Шунда уҡ тейешле анализдар алына һәм тиҙ арала лабораторияға тикшереүгә ебәрелә. Һөҙөмтә оҙаҡ көттөрмәй, бәхеткә күрә ҡыҙҙа коронавирус табылмай! Ҡыҙ ҡайҙандыр киҙеү йоҡторған, әммә был ҡурҡыныс инфекция булып сыҡманы.

Шулай ҙа тынысланырға иртә әле. Коронавирус бар донъяға таралыуын дауам итә, әле бер, әле икенсе ҡалаларҙа сир йоҡтороусыларҙың һаны арта.

Фото: ирекле сығанаҡтан.