Бауырҙа киста нилектән барлыҡҡа килә?

Билдәле ваҡытҡа тиклем киста үҙен һиҙҙермәй һәм осраҡлы рәүештә генә асыҡланыуы мөмкин. Ғәҙәттә УЗИ үткәндә күренә. Ҙурая башлаһа, күңел болғаныу, кикертеү, уң яҡ ҡабырға аҫтында һыҙлап ауыртыу барлыҡҡа килеүе ихтимал. Ауыртыу хәрәкәт иткәндә, физик эш эшләгәндә, шәп итеп атлағанда, эйелеп-бөгөлгәндә көсәйә. Бауыр кистаһы һирәк осрай һәм ул ауыр патология һаналмай. Ауырыу тыныс үтә. Статистика буйынса, кеше ғүмеренең оҙайлығына ла йоғонто яһамай. Бик һирәк осраҡта ғына эренләп, ҡан һауыу һәм йыртылыу осраҡтары күҙәтелә. Шулай ҙа табиптарға күренеп, тикшереү үтеп тороу зыян итмәй. Өҙлөгөүҙәр булһа, кистаны алыу буйынса операция тәҡдим ителә.