«Һаҡ булығыҙ!»

“Туҡта, ВИЧ/СПИД” бөтә Рәсәй акцияһы сиктәрендә Иҫке Ҡаҙансы урта мәктәбендә фәһемле осрашыу үтә.

1 декабрь донъялағы иң яман ауырыуҙарҙың береһе - СПИДҡа ҡаршы көрәш көнө билдәләнде. Районыбыҙҙа ла 25 ноябрҙән 1 декабргә тиклем “Туҡта, ВИЧ/СПИД” бөтә Рәсәй акцияһы үтте. Ошо уңайҙан Иҫке Ҡаҙансы урта мәктәбендә ауыл фельдшеры Ләйсән Ғафуръянова менән осрашыу ойошторола.

Ләйсән Рафиҡ ҡыҙы сарала ҡатнашыусы 8-11-се калсс уҡыусылары һәм уҡытыусыларға СПИД кеүек афәттең ҡурҡыныслығын аңлатып, был сирҙең ниндәй эҙемтәләргә килтереүен һөйләп, статистик мәғлүмәттәр менән таныштыра. Нисек ВИЧ менән зарарланмаҫҡа? Ниндәй хәл-шарттарҙа вирус йоғоу ихтималлығы бар? ВИЧ һәм СПИД нисек айырыла? Ошо һәм башҡа һорауҙарға әңгәмә барышында уҡыусылар тулы яуаптар ала.

- Тормошҡа ҡурҡыныс янаусы аяныслы хаталар яһауҙан һаҡ булығыҙ. Арағыҙҙа бер ҡасан да наркотиктарға урын булмаһын. Һәр ваҡыт файҙалы ғәмәлдәр ҡылып, сәләмәт тормош алып барып, намыҫлы, кешелекле, юғары әхлаҡлы кешеләр булығыҙ, - тип уҡыусыларға өндәшә Ләйсән Рафиҡ ҡыҙы.

Наилә Имаева.

Фотолар Иҫке Ҡаҙансы мәктәбе сайтынан алынды.

Читайте нас в

© 2020 Сайт издания "Йәнтөйәк" Копирование информации сайта разрешено только с письменного согласия администрации. Башҡортостан Республикаһының Матбуғат һәм киң мәғлүмәт саралары агентлығы һәм Башҡортостан Республикаһының "Башҡортостан Республикаһы" Нәшриәт йорто дәүләт унитар предприятиеһы.

Телефон

8(34771) 2-18-50

Электрон почта

[email protected]

Адресы

452880, Аскинский район, с. Аскино, ул. Блюхера, 10

Реклама хеҙмәте

8(34771) 2-20-60

Редакция

8(34771) 2-18-50

Кадрҙар бүлеге

8-34771 (2-19-30)