+12 °С
Ямғыр
Бөтә яңылыҡтар
Рухиәт
26 Сентябрь 2019, 13:17
Милли музейҙа - мөғжизә!
Шүлгәнташ мәмерйәһен Башҡортостанда белмәгән кеше юҡ. Мәмерйәнең мөһабәтлегенә, ундағы мамонт, дөйә, ат һүрәттәренә барып тамаша ҡылғандар ҙа байтаҡ. Әммә ҡараңғы ер аҫты донъяһының бөтөн матурлығын махсус яҡтыртҡанда ғына күреп була. Таш диуарҙан ағып төшкән ғәжәйеп формалағы кальцит ҡатламы, рәшәткә, өсмөйөш кеүек геометрик биҙәктәр, таш ҡыуышлығындағы һыҙаттар – быларҙың барыһын да Күсемһеҙ мәҙәни мираҫ объекттарын һаҡлау һәм файҙаланыу буйынса ғилми-етештереү үҙәге заказы буйынса эшләгән профессиональ фоторәссамдарҙың эштәрендә күрергә мөмкин.
Фотоһүрәттәр 1 октябрҙә БР Милли музейында күргәҙмәгә ҡуйыла.
Европа мираҫы аҙналығы сиктәрендә бында 1-8 октябрҙә “Тәүтормош кешеһенең ер аҫты галереяһы. Оло асыштың 60 йыллығына” тип аталған фотокүргәҙмә эшләй.
Сара тәбиғәт ҡомартҡыһында боронғо палеолит дәүеренә ҡараған һүрәттәр табылыуына 60 йыл тулыуға арнала.
Ойоштороусылар – Башҡортостан Республикаһының Мәҙәни мираҫ объекттарын дәүләт һаҡлауы идаралығы, Башҡортостандың Күсемһеҙ мәҙәни мираҫ объекттарын һаҡлау һәм файҙаланыу буйынса ғилми-етештереү үҙәге һәм “Шүлгәнташ мәмерйәһе” тарихи-мәҙәни музейы-ҡурсаулығы.
Экспозиция өсөн профессиональ фотограф Сергей Пешковтың, спелеолог Юрий Соколовтың һәм “Шүлгәнташ мәмерйәһе” тарихи-мәҙәни музейы-ҡурсаулығы ғилми хеҙмәткәре Раян Әхмәтйәновтың 30-ҙан ашыу үҙенсәлекле эше һайлап алынған. Бынан тыш, бихисап фотолар менән интерактив стенд һәм мәмерйәгә 3Д-тур әҙерләнә.
Шүлгәндең серле ер аҫты донъяһын күрергә Милли музейға рәхим итегеҙ!
Автор: Лариса Абдуллина.
Читайте нас:
© 2024 Сайт издания "Йәнтөйәк" Копирование информации сайта разрешено только с письменного согласия администрации. Башҡортостан Республикаһының Матбуғат һәм киң мәғлүмәт саралары агентлығы һәм Башҡортостан Республикаһының "Башҡортостан Республикаһы" Нәшриәт йорто дәүләт унитар предприятиеһы.
Телефон
8(34771) 2-18-50
Электрон почта
Адресы
452880, Аскинский район, с. Аскино, ул. Блюхера, 10
Реклама хеҙмәте
8(34771) 2-20-60
Редакция
8(34771) 2-18-50
Кадрҙар бүлеге
8-34771 (2-19-30)