Бөтә яңылыҡтар
Ҡотлайбыҙ!
10 Октябрь 2019, 16:04

Ҡәҙерле дуҫтар, милләттәштәр!

Ысын күңелдән һеҙҙе Республика көнө – Башҡортостан Республикаһының дәүләт суверенитеты тураһындағы Декларацияһын ҡабул итеүгә 29 йыл тулыу менән ҡайнар ҡотлайбыҙ!

Башҡортостаныбыҙ сәскә атһын, алға тик яҡшы күрһәткестәр менән барһын! Илебеҙҙең яңы тарих биттәрен өйрәнеүгә , һаҡлауға, популярлаштырыуға, үҙ өлөшөбөҙҙе индерәйек! Ғаиләгеҙгә — именлек, тыныслыҡ, үҫеш, барығыҙға ла – ҡоростай һаулыҡ, рух ныҡлығы, эшегеҙҙә уңыштар теләйбеҙ! Тыуған илем, тыуған ерем –

Минең Башҡортостаным.

Тыныс булһын, имен булһын

Көндәрем һәм ал таңым.

Малайҙар, ҡыҙҙар һөйләшһен

Илемдә үҙ телендә.

Башҡорт теле – минең телем,

Башҡортостан - минең илем,

Мин бәхетле еремдә.

Башҡорт теле – минең телем,

Хөрмәтләйем мин һине.

Матурлығың, нескәлегең

Таң ҡалдыра бит мине.

Туған телен белмәүсенән

Тыуған ерен һорама.

Тыуған ерен белмәүсенән

Тыуған илен һорама.


Ҡотлау менән, “Йәнтөйәк” гәзите хеҙмәткәрҙәре.
Читайте нас в