+20 °С
Облачно
Ҡоролтай һулышы
29 Января 2021, 06:55
Бөгөн Борай ауылында Елдәк ырыуы башҡорттары йыйыны үтә
Бөтә донъя башҡорттары ҡоролтайының Ырыуҙар йыйыны исемле яңы проекты сиктәрендә Борай ауылында Елдәк ырыуы башҡорттары осраша. Төп сара район Мәҙәниәт йортонда үтә.
Съезға республиканың төрлө райондарынан ырыу вәкилдәре, эксперттар, тарихсылар һәм тыуған яҡты өйрәнеүселәр саҡырылған. Йыйындың программаһы бай йөкмәткеле. Сара барышында Елдәк ырыуының килеп сығышы тураһында театрлаштырылған пролог, Борай район хакимиәте башлығының, ғалимдарҙың, тарихсыларҙың сығыштары, Елдәк ырыуы гербы менән таныштырыу, ырыу башлығын һайлау ҡаралған. Бында шулай уҡ милли кейем күргәҙмәһе, Борай районы ҡул оҫталарының оҫталыҡ дәрестәре ойошторола. Шулай уҡ Елдәк ырыуы вәкилдәре лә сығыш яһаясаҡ. Сара үҙешсән сәнғәт оҫталарының концерты менән тамамлана.
Илһөйәр Махатова.
Фәйрүзә Юнысова фотолары.
