Әлегә ул республикала берҙән-бер

Йылына бында 1,5 меңдән ашыу баланы дауалайҙар. Неврология тайпылыштарына дусар сабыйҙарҙы бары оло йөрәкле, намыҫлы, уңған белгестәр генә аяҡҡа баҫтыра ала. Шундайҙарҙың береһе, бөтә Рәсәйҙә иң яҡшы шәфҡәт туташы булып танылған Ирина Тюсенкова менән таныштырмаҡсыбыҙ. “Һаулыҡ һаҡлау” милли проектына ярашлы, медицина учреждениеларын юғары сифатлы кадрҙар менән тәьмин итеү буйынса киң ҡоласлы эш йәйелдерелгәндә, ошондай ҙур тәжрибәле белгестәргә таянабыҙ ҙа инде. 35 йыл буйы балалар менән эшләгән Ирина Тюсенковаға күп ата-әсәләр рәхмәтле. Ул элеккесә балаларҙы һауыҡтырыуҙан да яҡшы эш юҡ тип иҫәпләй, хеҙмәт ҡаҙаныштары тураһында һөйләргә яратмай.

Бүлексә стеналарында – картиналар, коридорҙа - Шуберт музыкаһы. Өйҙәге кеүек йәмле, йылы мөхит! Бөгөн бүлексәлә 45 кескәй пациент дауалана. Һәр береһе өсөн, дөрөҫ дауанан тыш, ата-әсәләр өсөн дөрөҫ һүҙҙәрҙе лә таба белергә кәрәк.

Юғары технологияларҙан, тәьҫирле препараттарҙан тыш, бында төп рецепт - мәрхәмәтлелек.

Фото: Башҡортостан радио һәм телетапшырыуҙар компанияһы.