“Изгелек ағасы” изгелек өләшә

“Изгелек ағасы” мәрхәмәтлек акцияһы сиктәрендә етәкселәр йәнә гәзит бүләк итә.
#Всероссийскаядекадаподписки2023
#БөтәРәсәйматбуғатҡаяҙылыудекадаһы2023
#Дереводобра

Асҡын үҙәк район дауаханаһы баш табибы Вадим Фәнил улы Ғәләүетдинов та  “Изгелек ағасы” мәрхәмәтлек акцияһына ихлас ҡушылды. Ул “Аскинская новь” гәзитенә яҙылып, баҫманы Упҡанкүл ауылында йәшәүсе Бөйөк Ватан һуғышы ветераны Мөхәмәтзыя Әхмәтзакир улы Әхмәтзакировҡа бүләк итте.

Иҫегеҙгә төшөрәбеҙ, бөгөн, 5 июндә, 2023 йылдың икенсе ярты йыллығына  ваҡытлы матбуғат сараларына ташламалы хаҡҡа яҙылыу буйынса ун көнлөк башланды. Ул 15 июнгә  тиклем дауам итәсәк. Форсаттан файҙаланып, яратҡан баҫмаларығыҙға яҙылып ҡалығыҙ, дуҫтар!

Наилә Имаева.