Район хакимиәте башлығы Динис Рәдис улы Йосопов старт биргән ваҡытлы матбуғатҡа яҙылыу буйынса “Изгелек ағасы” хәйриә эстафетаһына район хакимиәте башлығы урынбаҫарҙары Эльвиза Мәғсәт ҡыҙы Ғәйҙуллина менән Эльза Ҡәҙим ҡыҙы Әхмәтгәрәева ла ҡушылды.
Эльза Ҡәҙим ҡыҙы Төлгөҙбаш ауылында йәшәүсе тыл ветераны Наилә апай Ғиззәтулинаға “Йәнтөйәк” баҫмаларын бүләк итте.
Эльза Ҡәҙим ҡыҙы эстафетаны мәҙәниәт, мәғариф, һаулыҡ һаҡлау өлкәләрендәге етәкселәргә тапшырҙы. Изге Рамаҙан айында сауаплы ғәмәлдәр ҡылыусы етәкселәргә рәхмәт белдерәбеҙ. Гәзит бүләк итеү – дауамлы сауап икәнен дә оноторға ярамай.
Наилә Имаева.