Баҙансаттар “Изгелек ағасы” эстафетаһында әүҙем ҡатнашты. Бына тағын бер яҡташыбыҙ, Асҡын районының Баҙансат ауылында тыуып үҫеп, бөгөнгө көндә Яр Саллы ҡалаһында йәшәүсе Сулпан Әғләмова (Ғлимшина) ла эстафетаға ихлас ҡушылды. Сулпан Рәмил ҡыҙы — шәхси эшҡыуар, күсемһеҙ милек буйынса белгес. Эстафетаны ул ауылдашы, Нефтекамала йәшәүсе Илзирә Карамованан ҡабул итеп алды һәм “Йәнтөйәк” гәзитен үҙенең беренсе уҡытыусыһы, хаҡлы ялдағы мәғариф ветераны Ләлә Ильяс ҡыҙы Иҙрисоваға бүләк итте.
Афарин, Баҙансат ауылынан сыҡҡан яҡташтарыбыҙ! Ҡылған изгелегегеҙ үҙегеҙгә яҡшылыҡ булып ҡайтһын!
Илһөйәр Махатова.