Эстафета — Тәтешлелә

Флидә Фәрит ҡыҙы сығышы менән Асҡын районының Баҙансат ауылынан, Тәтешле районының Үрге Тәтешле ауылында йәшәй, “Ҡояшҡай” балалар баҡсаһында логопед булып эшләй. Шиғри күңелле яҡташыбыҙ беҙҙе үҙенең ижад емештәре менән әленән-әле таныштырып тора. Ул район үҙәк китапханаһында ойошторолған ижади кисәләрҙә сығыш яһай, шиғриәт бәйгеләрендә ҡатнаша, Мозаһит Хәйретдинов исемендәге “Илһам” төбәк әҙәби берекмәһе ағзаһы ла.

Флидә Фәрит ҡыҙы эстафета сиктәрендә “Йәнтөйәк” район-ара гәзитенә яҙылды һәм баҫманы тыуған ауылының мәҙәниәт усағына бүләк итте.

Флидә Фәтхиева эстафетаны ауылдашы, Чернушка ҡалаһында йәшәүсе Зәүиә Махатованан алды һәм  шулай уҡ ауылдашы, Нефтекама ҡалаһында йәшәүсе Илхам Фәсих улы Ихсановҡа тапшырҙы.

Афарин, баҙансаттар! Ҡылған изгелегегеҙ үҙегеҙгә изгелек булып ҡайтһын!

Илһөйәр Махатова.