“Ышаныч” гәзитен бүләк итте

Асҡын районы хакимиәте башлығы Динис Рәдис улы Йосопов старт биргән  ваҡытлы матбуғатҡа яҙылыу буйынса “Изгелек ағасы” мәрхәмәтлек эстафетаһы  районыбыҙ буйлап юлын дауам итә.  Изге һәм сауаплы эшкә етәкселәр һәм күренекле яҡташтарыбыҙ  көндән-көн әүҙемерәк ҡушыла бара.

Ҡышлауйылға урта  мәктәбе  директоры Земфира   Равил ҡыҙы Суфиярова ла   эстафетаға ҡушылып,  Баҙансат ауылында күп бала тәрбиәләүсе  ғаиләгә  “Ышаныч”  гәзитен яҙҙырып бүләк итте.

Земфира Равил ҡыҙы эстафетаны Иҫке Ҡаҙансы урта мәктәбе директоры Мансур Әлфрис улы Нуриәхмәтовҡа тапшырҙы.

Етәкселәр бүләк иткән гәзиттәр  күп бала тәрбиәләүсе ғаиләләргә рухи бүләк булып,  күңелдәренә  ышаныс, изге ниәттәр өҫтәһен.

Наилә Имаева.