Эстафета Ҡарткиҫәктә булды

Ваҡытлы матбуғатҡа яҙылыу буйынса “Изгелек ағасы” мәрхәмәтлек эстафетаһы  районыбыҙ буйлап юлын дауам итә һәм ҡыҙғандан-ҡыҙа бара.

Ҡарткиҫәк мәктәбе директоры  Лилиә Аснаф ҡыҙы Миңлемөхәмәтова  эстафетаға ҡушылып, “Аскинская новь” гәзитенә яҙылды һәм  баҫманы балаларын яңғыҙ тәрбиәләүсе әсәгә бүләк итте.

Лилиә Аснаф ҡыҙы эстафетаны Ҡышлауйылға урта  мәктәбе директоры Земфира Равил ҡыҙы Суфияроваға тапшырҙы.

Етәкселәр бүләк иткән гәзиттәр  ғаиләләргә рухи бүләк булып,  күңелдәренә  ышаныс, изге ниәттәр өҫтәһен.

Наилә Имаева.