Ҡубияҙ ауылының “Йондоҙсоҡ” балалар баҡсаһы мөдире Эльмира Нурисламова эстафетаны Ҡашҡа “Аҡбуҙат” балалар баҡсаһы мөдире Вәрисә Ғабдрахман ҡыҙы Вәғизоваға тапшырҙы. Вәрисә Ғабдрахман ҡыҙы “Йәнтөйәк” район-ара гәзитенә яҙылып, ауылдаштары, алты бала тәрбиәләгән ғаиләгә бүләк итте. “Индира менән Йәлил Юлдашевтар алты бала тәрбиәләй. Ҡыҙҙары Элиза беҙҙең балалар баҡсаһына өлкән төркөмгә йөрөй. “Йәнтөйәк” гәзите ишле бала тәрбиәләгән әсәгә байрам бүләге булһын”, — тине ул.
Вәрисә Ғабдрахман ҡыҙы эстафетаны Урмияҙ ауылының “Йәйғор” балалар баҡсаһы мөдире Гөлнара Рәғәт ҡыҙы Мөхәмәтдиноваға тапшырҙы.
Илһөйәр Махатова.