+2 °С
Ҡар
Бөтә яңылыҡтар
Матбуғат-2022
26 Октябрь 2020, 16:52
Башҡорт телендәге гәзит-журналдарға беренселәрҙән яҙыла
«Милли матбуғат саралары туған телгә һөйөү тәрбиәләргә, башҡорт рухын нығытырға ярҙам итә!» - ти Урмияҙ мәктәбенең башҡорт теле һәм әҙәбиәте уҡытыусыһы Ралия Сәмиғулла ҡыҙы Әхмәтдинова.
Туған телгә ихтирам, ҡыҙыҡһыныу һәм һөйөү тәрбиәләү ғаиләнән башлана. Нәҡ ғаиләлә ата-әсә өлгөһөндә бала туған телдә һөйләшергә өйрәнә, ата-әсәһенә эйәреп, башҡорт йырҙарын тыңлай, телевидение экрандары аша туған телебеҙҙәге рухлы тапшырыуҙарҙы ҡарай, тәү башлап башҡорт телендә сыҡҡан гәзит-журналдарҙы ҡулына ала. Шундай илһөйәр, телһөйәр ғаиләләрҙең береһе Ралия һәм Илшат Әхмәтдиновтар Урмияҙ ауылында йәшәй.
- Мин һәр йылды тәүҙә башҡорт телендә сыҡҡан гәзит-журналдарға яҙылам. Быйыл да “Йәнтөйәк” гәзитенә, “Аманат”, “Шоңҡар” “Башҡортостан уҡытыусыһы” журналдарына яҙылып ҡуйҙым. 3-сө класта уҡыусы Тимур улым менән “Аҡбуҙат”, “Аманат” журналдарын бергәләп ҡарап, уҡыйбыҙ. Бөгөнгө интернет, гаджеттар заманында, баланы китап һәм гәзит-журналдар уҡырға йәлеп итеү еңелдән түгел. Шуға ла уның күҙ алдында һәр саҡ ошо милли баҫмаларыбыҙ ятһа, ваҡыт табып, ата-әсәләр ҙә уларҙы бергәләп уҡып алыуҙы матур йолаға әйләндерһә, нисек яҡшы булыр ине, - ти Урмияҙ урта мәктәбендә балаларға башҡорт теле серҙәрен асыусы уҡытыусы Ралия Сәмиғулла ҡыҙы.
Наилә Имаева.
Читайте нас:
© 2025 Сайт издания "Йәнтөйәк" Копирование информации сайта разрешено только с письменного согласия администрации. Башҡортостан Республикаһының Матбуғат һәм киң мәғлүмәт саралары агентлығы һәм Башҡортостан Республикаһының "Башҡортостан Республикаһы" Нәшриәт йорто дәүләт унитар предприятиеһы.
Телефон
8(34771) 2-18-50
Электрон почта
Адресы
452880, Аскинский район, с. Аскино, ул. Блюхера, 10
Реклама хеҙмәте
8(34771) 2-20-60
Редакция
8(34771) 2-18-50
Кадрҙар бүлеге
8-34771 (2-19-30)