90 йәштә лә гәзит-журналдан айырылмай

Асҡын мәғлүмәт үҙәге иғлан иткән “Ике гәзиткә яҙыл да, биш мең һум аҡса от!” акцияһында Үтәш ауылынан Рафания апай Лоҡманова ла ҡатнаша.

Рафания апайҙың ҡыҙы Рәидә Ғилметдинова редакциябыҙға килеп, “Йәнтөйәк” район-ара һәм “Өмет” республика гәзиттәренә яҙылды. Улар йыл да төрлө баҫмаларҙы күпләп алдыра икән. “Әсәйем мәғариф хеҙмәткәре булараҡ, электән үк гәзит-журналдарға күпләп яҙылды. Әле лә, 90 йәште уҙһа ла, аллаға шөкөр, күҙе күрә, үҙе уҡый. Быйыл да йылдағыса әллә нисә меңлек гәзиткә яҙылдыҡ. Улар араһында район гәзите — беренсе урында. Әсәйем сәләмәтлек, төрлө кәңәштәр, яңылыҡтар тураһында уҡырға ярата. Мин үҙем аш-һыу тураһындағылары менән ҡыҙыҡһынам. Яңы донъя күргәндәренә лә яҙылабыҙ”, — ти Рәидә Өлфәт ҡыҙы.

Илһөйәр Махатова.