Асҡында Матбуғат байрамы гөрләне

Иртә менән "Батыр"ға районыбыҙ ауылдарынан гәзитебеҙҙең яҡын дуҫтары йыйылды. Байрамға килеүселәрҙе Матбуғат көнө менән район хакимиәте башлығы Ришат Дихин, уның урынбаҫары Риваль Сәлимов, Асҡын мәғлүмәт үҙәге директоры Фәйрүзә Юнысова ҡотланы. Асҡынға яңы ғына күсеп килеүсе йыр-моң һөйөүсе ғаилә - Олеся һәм Марат Аширкаевтар тамашасыларға музыкаль күстәнәс әҙерләгәйне. Ә сара Балалар ижады үҙәге хореографы Рима Аскарова етәкселегендә тамашасылар ҡатнашлғында дәртле коллектив бейеү - флешмоб менән башланды.