Асҡын районы Билгеш мәктәбе уҡыусыһы Юлай Тимофеев "Аманат" журналының исемле сәғәтен отто

Уҡыусылар менән осрашыу матур үтте. Даян Тәлғәт улы бөтә уҡыусыларға ла “Аманат” журналы тураһында һөйләп, гәзит-журналдар, китаптар уҡыған баланың, һис шикһеҙ, белемле, илһөйәр һәм телһөйәр, рухлы булып үҫәсәген әйтте. Өфө ҡунағы Юлайҙы ла бүләкләне, башҡаларҙы ла өлөшһөҙ ҡалдырманы. Уҡыусыларға төрлө һорауҙар биреп, яуап биреүселәргә, шулай уҡ йырлап-бейегәндәргә китаптар һәм “Аманат” журналы бүләк итте.