"Етәкселек һәр ваҡыт халыҡҡа өлгө күрһәтергә, бер аҙым алда булырға тейеш!"

Матбуғатҡа ташламалы хаҡҡа яҙылыу декадаһы гәзит-журналдарға яҙылыу өсөн уңайлы осор. Урмияҙ ауыл Советы хакимиәтендә лә был юлы ла “Йәнтөйәк” гәзитенә дәррәү яҙылдылар. Илшат Ирғәлин етәкләгән коллектив “Аскинская новь”, “Ышаныч”ты ла алдыра, алты районға таратылған гәзитте лә яратып уҡый. Был гәзиттәрҙе ауыл Советына ла яҙҙырып, туплап баралар. “Районда сыҡҡан гәзиттәр аша үҙебеҙҙәге хәлдәр менән хәбәрҙарбыҙ. Ә “Йәнтөйәк” Ҡариҙел, Балтас, Борай, Мишкә, Бөрө районы яңылыҡтары менән таныштыра. Унда үткән саралар, төрлө программа сиктәрендә башҡарылған эштәр, матур ғаиләләр тураһында беләбеҙ”, — тиҙәр.

Урындағы ағинәйҙәр ойошмаһы ағзаһы, мәҙәниәт йорто методисы Альфира Ҡыямова ла һәр ваҡыттағыса гәзитебеҙ дуҫы булып ҡалды.

Был коллективҡа беҙ рәхмәтлебеҙ. Етәкселек һәр ваҡыт халыҡҡа шулай өлгө күрһәтергә, бер аҙым алда булырға тейеш.