Бөтә яңылыҡтар
Матбуғат-2022
28 Июнь 2018, 12:35

Ҡариҙел районы Шамрат ауылында ла “Йәнтөйәк” те яратып уҡыйҙар

— ”Йәнтөйәк” төбәк гәзитенә икенсе ярты йыллыҡҡа күптән яҙылып ҡуйғайныҡ. Ундағы мәҡәләләрҙе уҡып барабыҙ, алты райондың яңылыҡтарын белеү ҙә ҡыҙыҡ, — ти Гөлшат һәм Илшат Ғилуановтар.

Ошо уҡ ауылда йәшәүсе Фәнил Юнысов та гәзит уҡырға ярата.

— Мин Ҡариҙел районы гәзите менән бергә ”Йәнтөйәк”кә лә яҙылам. Баҫмаларға йыш реклама биргәнгә, гел һуңғы биттән уҡый башлайым. Унда район ғына түгел, республика яңылыҡтары булыуы ла яҡшы, — ти ул.

Икенсе ярты йыллыҡҡа гәзиттергә яҙылыу ауырыраҡ барһа ла, почтальонкалар төшөнкөлөккә бирелмәй, планды тултырыр өсөн тырыша. “Шамраттарға рәхмәтлемен. Улар гәзит-журналдарға яҡшы яҙыла, шуға тейешле план-заказды һәр саҡ үтәйем”, — ти бирелә почтальонка булып эшләгән Гөлзиән Зөбәйерова.

Люция Карамова.