Асҡындан Ризида һәм Дим Ғәлимовтар ҙа хәйриә акцияһына ҡушылды #Рамаҙан_изгелек_эстафетаһы

Башҡортостан Яҙыусылар союзы рәйесе Зәки Әлибаев башлаған “Рамаҙан – изгелек эстафетаһы” акцияһын асҡындар күтәреп алып, изге ғәмәлдәре һәм матур эштәре менән һөйөндөрөп тора.

Район Мәҙәниәт йорто директоры Дим Ғарифйән улы менән Башҡортостандың атҡаҙанған мәҙәниәт хеҙмәткәре, “Ак калфак” халыҡ вокаль ансамбле етәксеһе Ризида Фирзәт ҡыҙы ла “Рамаҙан – изгелек эстафетаһы” акцияһына ихлас ҡушылды. Моңло йырҙары менән халҡыбыҙ күңеленә дәрт-дарман, рух өҫтәгән был ғаилә “Йәнтөйәк” төбәк гәзитенә яҙылып, баҫманы Яңауыл ауылында ғүмер иткән биш бала тәрбиәләүсе Йәмилә һәм Мөҙәрис Хәлиуллиндарға бүләк итте.

Наилә Имаева.