Райондың Мәҙәниәт, спорт һәм йәштәр сәйәсәте идаралығы начальнигы Альфред Хәжимуллин был юлы ла ”Йәнтөйәк” бүләк итәм!” акцияһына ҡушылды. Изге эштәр ҡылырға, хәйер-саҙаҡа таратырға, кешеләрҙе шатландырырға саҡырған Рамаҙан айы башланып ҡына торғанда ул гәзитебеҙҙе Сураш мәктәбенә бүләк итте. Альфред Зәүҡәт улы алдағы йылдарҙа баҫманы районыбыҙҙың әүҙем һәм һәләтле уҡыусыларына яҙҙырғайны. Ә киләһе ярты йыллыҡта уҡытыусылар ҙа, балалар ҙа алты район яңылыҡтары менән танышасаҡ, өлгөлө ғаиләләре, һәләтле йәштәре, йүнсел хужалары, үткәрелгән саралар тураһында уҡып беләсәк.