Байрам кәйефе бүләк иттеләр

“Асҡын балы -2022” фестивале сағыу сығыштар, йыр-моң менән үрелеп барып, бик күңелле уҙҙы.

Район Мәҙәниәт йорто артистары, Балалар сәнғәт мәктәбе педагогтары, “Ләйсән” (етәксеһе Р. Ғәлимова), “Бөркөттәр” (етәксеһе Р. Фәйзуллина), “Мелодия” (етәксеһе С.Цвыркова) халыҡ вокаль ансамблдәре, “Ак калфак” (етәксеһе Р. Ғәлимова) халыҡ вокаль-фольклор ансамбле, “Веселые нотки” (етәксеһе С. Цвыркова), “Ассоль” (етәксеһе М.Накарякова) балалар вокаль ансамблдәре, “Конфетки” (етәксеһе О.Шуганова), “Звонкий каблучок” (етәксеһе З.Фәтихова, ҡуйыусы Э.Вәлиева) балалар бейеү ансамблдәре, Ҡарткиҫәктән “Серҙәштәр” (етәксеһе Л. Харисова), Үршиҙенән “Гөлнәзирә” (етәксеһе А. Насырова) фольклор ансамблдәре бик матур һәм күңелле сығыш яһаны.

Равиль Сәлимгәрәевтың ҡурай моңдары, Нәжип Ғилметдиновтың йыры, Ангелина Тимерйәнованың бейеүе барыһына ла бик оҡшаны.

Шулай итеп, Гөлзифа Мөхәмәтдинова менән Александр Белозеров матур итеп алып барған бал байрамы шифалы ла, килемле лә, күңелле уҙҙы.

Наилә Имаева.