Мәҙәниәт хеҙмәткәрҙәре тәбрикләнде

Һөнәри байрамдары менән мәҙәниәт хеҙмәткәрҙәрен район хакимиәте башлығының беренсе урынбаҫары — ауыл хужалығы бүлеге начальнигы Рәмил Харрасов тәбрикләне.

• Район хакимиәте башлығы исеменән һәм шәхсән үҙемдән бөтәгеҙҙе лә һөнәри байрамығыҙ менән ҡайнар ҡотлайым! Ныҡлы һаулыҡ, ижади уңыштар теләйем. Хеҙмәтегеҙҙең ҙур көс талап итеүен яҡшы беләбеҙ. Бөгөн беҙ яңыртылған, матур Мәҙәниәт йортонда торабыҙ. Хәҙер артабанғы маҡсатыбыҙ — бинаның китапхана яғына ремонт эшләү, — тине Рәмил Наил улы.

Рәмил Харрасов бер төркөм мәҙәниәт хеҙмәткәрҙәренә Мәҙәниәт министрлығының һәм район хакимиәтенең Рәхмәт хаттарын тапшырҙы.

Район клуб-китапхана системаһы директоры Жәлил Ғәйбәҙуллин хеҙмәттәштәрен тәбрикләп, Мәҙәниәт, спорт һәм йәштәр сәйәсәте идаралығының Рәхмәт хаттарын тапшырҙы.