Йыл темаһына арнап

Бөгөн Солтанай ауыл китапханаһы китапханасыһы Лилиә Сәмиғуллина башланғыс класс уҡыусылары менән быйыл Рәсәйҙә иғлан ителгән Рәсәй халыҡтарының мәҙәни мираҫы йылына арнап бай йөкмәткеле сара үткәрҙе.

Лилиә Масһар ҡыҙы уҡыусыларға рус халыҡ ижады, уның йүнәлештәре тураһында ентекле һөйләне. Ул балаларҙы ағас, металл һауыт-һаба, уның биҙәлеше, рус халыҡ уйынсыҡтары, халыҡ кәсептәре менән таныштырҙы, уҡыусыларҙы ҡыҙыҡһындырған һорауҙарға яуап бирҙе.

Илһөйәр Махатова.