Балаларҙың шат тауышы яңғырап торҙо

Төньяҡ район-ара "Ғаилә" үҙәгенең Балтас районындағы хеҙмәте Һәйтәк ауыл китапханаһы һәм мәҙәниәт йорто менән берлектә ауылдың үҙәк майҙанында «Ҡар бабай фестивале» ғаилә ялы үткәрҙе.

Программала мауыҡтырғыс һәм күңелле спорт-ғаилә эстафеталары, бейеү флешмобы, балалар һәм ата-әсәләр өсөн «Боҙлоҡтар буйлап кисеү», «Саңғы ярыштары», «Егеүле боландар», «Тюбингта уҙыштар» кеүек ярыштар һәм уйындар бар ине.

Барыһы ла күңел асты, саф һауала көс-дәрт алды. Сара һуңында барлыҡ ҡатнашыусыларға татлы бүләктәр тапшырылды.

Гөлназ Ғәлләмова.