“Китмәгеҙ, торналар!”

“Тамаша” республика театр коллективтары фестиваленең тәүге көнөндә спектаклдәр киске 23.00 сәғәткә ҡәҙәр дауам итте.

Һуңғы булып район Мәҙәниәт һарайында Тәтешле мәҙәни ял үҙәгенән “Илһам” халыҡ театры Таңсулпан Ғарипованың “Китмәгеҙ, торналар!” драмаһын күрһәтте. Тәрән йөкмәткеле, тормошсан спектаклде сәхнәгә Фәрит Йыһангиров ҡуйған.

Һәләтле һәүәҫкәрҙәр Илназ Вәлиев, Гөлзада Харисова, Руслан Әхмәтов, Зинира Туҡаева, Линар Ғафүрйәнов, Фәрит Йыһангиров, Лариса Ғаяловалар образдарын оҫта асты.

Фәрдүнә Ҡасим ҡыҙы етәкселегендә баһалаусылар төркөмө, спектаклгә анализ яһап, коллективҡа ижади уңыштар теләне.

Гөлнара Шәймөхәмәтова.