«Бабич» фильмы 40-сы Мәскәү Халыҡ-ара кино фестиваленең Рәсәй программаһында ҡатнашыу өсөн һайлап алынған

«Бабич» фильмы 40-сы Мәскәү Халыҡ-ара кино фестиваленең Рәсәй программаһында ҡатнашыу өсөн һайлап алынған. «Беҙ конкурстан тыш программала ҡатнашабыҙ, әммә ҡатнашыу үҙе генә ҙур әһәмиәткә эйә, сөнки унда илебеҙҙәге яңы һәм мөһим фильмдар һайлап алына», — тип хәбәр итте фильдың продюсеры Леонид Филинов.

40-сы Мәскәү Халыҡ-ара кино фестивале Мәскәүҙә 19-26 апрелдә үтә. Конкурс программаһынан тыш фестивалдә нәфис кеүек, документаль фильмдар ҡарарға мөмкин. 40-сы Мәскәү Халыҡ-ара кино фестивале сиктәрендә бөтәһе 20-нән ашыу программа эшләйәсәк.

«Бабич» тулы метражлы тарихи нәфис фильм бөйөк башҡорт шағиры һәм ижтимағи-сәйәси эшмәкәр, тәүге Башҡорт хөкүмәте ағзаларының береһе – Шәйехзада Бабичҡа арналған. Картина нигеҙендә – 1914-1919 йылдарҙа Башҡортостан, Ырымбур, Троицк, Силәбе биләмәһендә булған тарихи ваҡиғалар. Фильмды 9 миллион һум күләмендә республика башлығы гранты сиктәрендә «Ысын таҫма» кинокомпанияһы төшөрҙө. Фильмдың режиссеры – Булат Йосопов. Башҡорт телендә төшөрөлгән фильм русса субтитрҙар менән күһәтелә.

«Башинформ» мәғлүмәт агентлығы,