Бөтә яңылыҡтар
Мәҙәни мөхит
12 Декабрь 2017, 16:45

«Инеш»тәрҙең сираттағы еңеүе

Борай районының «Инеш» халыҡ вокаль ансамбле 1997 йылда район Мәҙәниәт йортонда ойошторола. Ошо йылдар эсендә Илида Мостафина уның алыштырғыһыҙ етәксеһе була. Бында уҡыусылар ҙа, һөнәрселек училищеһы студенттары ла, урта һәм өлкән быуын кешеләре лә шөғөлләнде. Ансамблдең һигеҙ сығарылышы, мәктәпте һәм башҡа юғары уҡыу йорттарының вокал һәм хор дирижеры класын тамамлап, етәкселәренең эшен дауам итә һәм бөгөн үҙешсән сәнғәттә йәки профессиональ эстрадала эшләй.

Борай районының «Инеш» халыҡ вокаль ансамбле 1997 йылда район Мәҙәниәт йортонда ойошторола. Ошо йылдар эсендә Илида Мостафина уның алыштырғыһыҙ етәксеһе була. Бында уҡыусылар ҙа, һөнәрселек училищеһы студенттары ла, урта һәм өлкән быуын кешеләре лә шөғөлләнде. Ансамблдең һигеҙ сығарылышы, мәктәпте һәм башҡа юғары уҡыу йорттарының вокал һәм хор дирижеры класын тамамлап, етәкселәренең эшен дауам итә һәм бөгөн үҙешсән сәнғәттә йәки профессиональ эстрадала эшләй.
«Инеш»тәр район һәм республика сараларында даими ҡатнаша. 2013 йылда «Йәйғор» республика Балалар-үҫмерҙәр конкурс-фестивалендә ҡатнашып, Гран-при яулайҙар. 2015 йылда ансамблгә халыҡ исеме бирелә. 2016 йылда “Яҙғы тамсылар” республика конкурсында ансамбль III дәрәжә лауреат исемен ала. Ошо уҡ йылда етәксеһе Илида Ғәлиәхмәт ҡыҙы “БР муниципаль райондары араһында иң яҡшы мәҙәниәт хеҙмәткәре” тигән маҡтаулы исемгә лайыҡ була.
2016 йыл аҙағында ансамбль эшсе йәштәр менән яңыра. Ошо яңы состав менән 2017 йыл башында улар “Сәскә ат, Башҡортостан!” төбәк-ара конкурсында III урын ала. “Инеш” ансамбле Краснокама районында үткән “Никола Вешний” Славян яҙмаһы һәм мәҙәниәте көндәре республика фольклор фестивалендә йыл да ҡатнашып, дипломант була. Ағымдағы йылдың сентябрендә “инеш”тәр Баҡалы районында ойошторолған Троицкий төбәк-ара фестивалендә сығыш яһап, дипломант була. Декабрь айы ансамблгә сираттағы еңеү алып килә. “Беҙ бергә” республика конкурс-фестиваленә видео һайлап алыуҙы лайыҡлы үтеп, улар II дәрәжә лауреат исеменә лайыҡ була һәм Диплом, сертификат менән бүләкләнә.
“Инеш”тә мәғариф, ветстанция һәм башҡа ойошма хеҙмәткәрҙәре лә, декрет ялында ултырыусы әсәйҙәр ҙә ҙур теләк менән шөғөлләнә. Уларҙың барыһын да йыр-моңға, сәхнәгә һөйөү берләштерә. Ансамблдә ике — төп һәм әҙерлек төркөмө эшләй. Барыһы 30 кеше шөғөлләнә. Репертуарҙарында башҡорт, татар, рус халыҡ һәм эстрада йырҙары бар. Рәсәй һәм халыҡ-ара фестивалдәрҙә сығыш яһау теләге менән дә янып йәшәй “инеш”тәр. Әле ижади коллектив башҡарылған эштәренә йомғаҡ яһап, отчет концертына әҙерләнә.