Мәктәптәр яңы уҡыу йылына әҙерме?

6 августан районыбыҙҙа мәғариф учреждениеларының  яңы уҡыу йылына әҙерлек торошон тикшереү буйынса  ведомство-ара комиссия   эш башланы.

Район хакимиәте башлығы урынбаҫары Эльза Ҡәҙим ҡыҙы Әхмәтгәрәева етәкселегендәге комиссия кисә   Табаҫҡытамаҡ, Көнгәк,  Сураш, Солтанбәк ауылдарында булып, мәғариф учреждениеларын тикшерҙе.

Комиссия ағзалары билдәләүенсә, төп бурыс – белем биреү ойошмларында уҡыу һәм эш шарттары тейешле һәм уңайлы булдырыу, хәүефһеҙлек сараларын күреү, уҡыусыларҙың сәләмәтлеген ҡайғыртыу.  

6 августан 9 авгусҡа тиклем комиссия 29 белем  һәм өҫтәмә белем биреү учреждениеһын ҡарап, эш һөҙөмтәләрен барлап,  йомғаҡ яһаясаҡ.

Наилә Имаева.