Форумдан яңы мәғлүмәт һәм көс-дәрт алып ҡайттылар

Өфөлә «Торатау» конгресс-холында Уҡытыусы һәм остаз йылына арналған «Үргә ос!» республика мәктәп мәғарифы форумы уҙҙы. Сара Форумдың тәүге көнөндә һигеҙ һүҙ көрәштереү майҙансығы ойошторолдо, ҡатнашыусылар һәләтле балаларға һәм йәштәргә ярҙам итеү мәсьәләләрен, педагогтарҙы аттестациялау, дәүләт йомғаҡлау аттестацияһы системаһында үҙгәрештәрҙе, яңы белем биреү программаларын һәм мәктәпкәсә белем биреү өлкәһендә идара итеүҙе тикшерҙе. Икенсе көндө педагогик белем биреү, маҡсатлы уҡытыу, инклюзив белем биреү темаларына, тәрбиә системаһына арналған тағы ла биш һүҙ көрәштереү майҙансығының эше планлаштырылды. Форумда Балтас районы делегацияһы ла ҡатнашты.

Гөлназ Ғәлләмова.