Күңелдәрҙә бай тәьҫораттар ҡалдырған байрам

Милли кейемдәр көнөндә ойошторолған мәктәп йәрминкәһе тауар ассортиментының күп төрлө булыуы менән генә түгел, ә йырлы-моңло булыуы менән дә бай тәьҫораттар ҡалдырҙы.

Ләйсән Мөғтәбәрова етәкселегендә “Мельница” Балалар ижады үҙәге коллективы әҙерләп алып барған байрам бигерәк тә күңелдәргә хуш килде. Матур итеп байрамса биҙәлгән сәхнәнән көн оҙоно район мәктәптәре әҙерләп алып килгән концерт номерҙары күрһәтелде.

Йәрминкәгә килеүселәр үҙҙәренә кәрәкле тауарҙы һатып алып, бер юлы йәш таланттарыбыҙҙың һәләттәренә һоҡланып, концерт ҡарап, ҙур кинәнес алды. Барыһы ла ойоштороусыларға рәхмәт белдереп таралышты.

Наилә Имаева.