Акцияға ихлас ҡушылдылар

Белеүегеҙсә, республикабыҙҙа йыл һайын ойошторолған был сара август аҙағына тиклем дауам итә. Уның маҡсаты – ауыр тормош хәлендә ҡалған ғаиләләргә ярҙам итеү, балаларҙы яңы уҡыу йылына әҙерләү.

Акцияға ҡушылырға әле лә һуң түгел: кәнсә тауарҙары, дәфтәрҙәр, һүрәт төшөрөү өсөн кәрәк-яраҡтар, балалар ижады өсөн йыйылмалар яңы килеш ҡабул ителә; портфелдәр, мәктәп формаһы, дәреслектәр, нәфис әҙәбиәт – яңы йәки һәйбәт торошта.

Хәйриә акцияһына  Урмияҙ ауыл Советы хакимиәте лә ихлас ҡушылды. Ауыл биләмәһе башлығы   Илшат Үзбәк улы Ирғәлин  өс бала ҡараусы Лидия Нартдиноваға уҡыу кәрәк-яраҡтары менән  ранец(мәктәп сумкаһы) бүләк итте. 

Изгелек ерҙә ятып ҡалмаҫ, тиҙәр. Әйҙәгеҙ,  ауыр хәлдәге ғаиләләргә бергәләп ярҙам итәйек!

 Наилә Имаева.